O Museo do Mar acolle as III xornadas dos Museos e Centros de Patrimonio Cultural Marítimo

A Asociación de Museos e Centros de Patrimonio Cultural Marítimo de España inicia mañá, no Museo do Mar de Vigo, as súas terceiras xornadas. O encontro centrarase nesta ocasión no Patrimonio Intanxíble Marítimo e mais nos retos e oportunidades para a súa posta en valor. Coñecementos, crenzas, gastronomía marítima ditos ou talasonimia centrarán boa parte das intervencións, aínda que tamén se tratarán cuestións como o libro verde de arqueoloxía subacuática en España e Pablo Carreira, director do Museo do Mar, explicará o proxecto do centro.