O Museo do Mar encabeza unha iniciativa para que se recoñeza o patrimonio marítimo

Conseguir que a vindeira Lei de Navegación Marítima Española recoñeza o "carácter cultural do patrimonio marítimo flotante e que promova a súa conservación e emprego". Este é o obxectivo da Declaración de Xixón o manifesto conxunto que o Museo do Mar de Vigo e mais o Museu Marítim de Barcelona presentaron hoxe na cidade asturiana a coincidir coa celebración do Día Marítimo Europeo. O texto, que conseguiu xa o apoio de 200 entidades relacionadas coa cultura marítima, reclama tamén a protección do patrimonio inmaterial vencellado ao mar e mais que a vindeira lei defina qué tipo de buques poden ser obxecto de protección e que recoñeza o seu carácter extraordinario.