Pilar García Negro presenta O clamor da rebeldía no Consello da Cultura Galega

O clamor da rebeldía. Rosalía de Castro: Ensaio e feminismo, é o título da obra coa que Pilar García Negro se fixo co Premio Vicente Risco de Ciencias Sociais 2010. O Consello da Cultura Galega acolle ás cinco desta tarde a presentación desta obra, nun acto no que, ademais da autora, intervirán Francisco Fernández Rei, catedrático da Facultade de Filoloxía da USC e mais María Xosé Agra, coordinadora da Comisión de Igualdade do CCG.