De 20 pasouse a 194 casas de turismo rural na central de reservas de Turgalicia. Eses son os datos que ofrece a Secretaría Xeral de Turismo para avaliar a transición da central de reservas telefónica que ofrecía a Xunta ao novo sistema, xestionado por clientes e hoteleiros directamente en liña. A nova central de reservas permite configurar paquetes turísticos e, segundo a Xunta, "permitirá obter automaticamente datos estatísticos que axudarán a coñecer a evolución do sector facilitando os traballos de planificación e contraste das políticas de promoción turística".
