Educación retira a cota de galego das bibliotecas escolares

A orde que regula a adquisición de novos libros para as bibliotecas de centro do ensino non contempla unha cota específica de obras en galego. A convocatoria equivalente do pasado ano establecía que como mínimo, a metade das novas adquisicións debían estar na nosa lingua. Agora, o criterio que se establece é que nas compras deberán contemplarse "a multiculturalidade e as diferentes linguas do centro". A Asociación de Editores denunciou xa que a medida repercutirá de xeito negativo e directo no sector.