O fotógrafo Manuel Valcárcel e mais o músico Alejandro Rodríguez realizaron unha peregrinación aos tres grandes santuarios da cristiandade. Desde as oito desta tarde, o resultado creativo da viaxe pode verse no mosteiro de San Martiño Pinario na exposición Regreso á orixe. Xerusalén, Roma, Santiago. Unha viaxe contemporánea. Oitenta e dúas fotografías e mais un documental de 20 minutos dan conta do periplo destes dous creadores. A exposición foi organizada polo Xacobeo 2010, o Arcebispado de Santiago de Compostela, o Seminario Maior e conta co patrocinio de Telefónica.
