Mercedes Suárez dirixirá a cuarta produción do Centro Coreográfico Galego
Etheria. A viaxe soñada é o título co que o Centro Coreográfico Galego homenaxeará o camiño de Santiago neste ano Xacobeo. Dirixido por Mercedes Suárez Rodríguez, fundadora da compañía Druída Danza, o espectáculo evocará con danza, música e imaxe, o periplo dunha relixiosa galega no século IV na súa viaxe desde Xerusalén ata Compostela. O proxecto, que se estreará a finais da primavera, comezará en marzo co proceso de selección dos bailaríns.
