Compostela acollerá a vindeira edición do Mercado Atlántico de Creación Contemporánea

Os vindeiros 10, 11 e 12 de setembro, Compostela acollerá a segunda edición do MACC, Mercado Atlántico de Creación Contemporánea. Este evento, que se iniciou o pasado ano en Tenerife, tratará desta volta o potencial das industrias creativas para xerar riqueza e innovación social, e reflexionará sobre a importancia do proceso na creación artística. Para convidar á participación, a organización do evento celebrará este sábado ás 11:30 no Centro Galego de Arte Contemporánea, unha exposición participativa chamada Experimenta o proceso Macc.