A coordinación dos dispositivos de seguridade, accións de promoción directa en mercados europeos e americanos, beneficios fiscais para accións publicitarias e de mecenado, mellora e mantemento da sinalización do Camiño Francés... estas son algunhas das iniciativas nas que o Goberno apoiou a celebración deste Xacobeo. En total, uns cen millóns de euros tal e como apuntaron os delegados do Goberno das comunidades autónomas polas que transcorre o Camiño Francés e que se reuniron onte en Santiago.
