Un convenio fomentará a participación das galerías en feiras internacionais

“Ten unha dobre función, por un lado facilitar que as galerías de Galicia acudan a feiras internacionais, e por outro, garantir a presenza dos artistas galegos nesas feiras” aseguraba o conselleiro de Cultura, Roberto Varela, ao tempo asinaba un convenio con Marisa Marimón, presidenta da Asociación Profesional de Galerías de Arte de Galicia. Un acordo por importe de 45.000 euros que permitirá axudar a custear a presenza en feiras como ARCO ou ART Madrid das galerías integradas neste colectivo.