Abelardo Rendo prepara un documental sobre a Trourist Trophy, a carreira de motos da Illa de Mann

A Tourist Trophy é unha das carreiras de motos máis perigosas do mundo que se desenvolve anualmente na illa de Mann. Nesta edición só participan dous motociclistas españois que Abelardo Rendo, director de curtametraxes e organizador do LAV 010, retratará no documental MPH Mann. O traballo realizarase baixo licenza Creative Commons e conta cunha novidosa forma de financiamento con achegas (desde 5 euros) a cambio de merchandising a través da súa páxina web.