A Secretaría de Modernización premia contidos para a rede en galego

Trinta e dúas axudas repartidas en catro categorías (contidos xerais para a internet; contidos para achegamentos ás TIC; contidos orientados á promoción do patrimonio, cultura e lingua galegas; e aplicación informáticas) e un importe de 162.000 euros. A secretaría xeral de Modernización e Innovación Tecnolóxica acaba de convocar un certame para promover contidos para a rede e, obrigatoriamente, en galego. Unha convocatoria á que se poden presentar persoas físicas e entidades sen ánimo de lucro que presenten proxectos que destaquen pola súa “creatividade e calidade”. As bases e características das solicitudes están dispoñibles no DOG de hoxe.