A Casa Museo de Casares Quiroga completa a súa exposición

Coa intención de se converter nun centro de referencia a nivel estatal sobre o período da II República, abría onte as súas portas na Coruña a exposición da Casa Museo Casares Quiroga. Os novos contidos do centro ofertan un amplo percorrido por este período histórico, ademais dun andar dedicado á figura deste deputado galego e máis á súa familia, duramente represaliada polo franquismo. A casa abrírase en 2006 con dous andares baleiros para simbolizar o expolio ao que foi sometida a familia do republicán.