Foi a candidata mellor valorada do primeiro concurso público convocado para escoller ao responsable do Centro Dramático Galego. Por iso, Blanca Brage Cendán (Ares, 1965) é a nova directora do buque insignia do teatro do país por méritos propios. E chega para montar a obra, aínda sen data definida, dun autor galego recoñecido que “posiblemente será Cunqueiro”. Formada nos Chévere, Cendán prestará moita atención ao teatro musical por iso, no 2011 aproveitará a celebración do Ano Internacional da Música, para recuperar A ópera de a patacón en versión Bercht e Weill. Entre as súas preocupacións recollidas en varios medios de comunicación esta fin de semana, Cendán apuntou a necesidade de recuperar público, buscar unha maior presenza exterior e contar cun equipo asesor.
