O Concello de Ferrol recorre a falta de protección do casco histórico

O pasado mes de marzo a Xunta anunciaba que non declararía como Ben de Interese Cultural o barrio de Ferrol Vello. Agora, o pleno do Concello aprobou por maioría interpor un recurso de alzada contra esta decisión. A corporación local considera que este espazo posúe valores abondos para merecer esta figura de protección. No mesmo pleno, os grupos da oposición solicitáronlle ao goberno local que elabore o Plan Especial de Reforma Interior de Ferrol Vello, que establecerá criterios de construción e recuperación na zona.