Comezan os preparativos para os 800 anos da Catedral de Santiago

O Consorcio de Santiago anunciou onte as primeiras proposta de cara á calebración, o vindeiro ano, do 800 aniversario da Catedral. Deste xeito, a entidade prepara un programa de incentivos fiscais para conseguir patrocinadores no Plan Director que ha guiar a conservación e restauración do monumento. Ademais, preparase unha exposición no Museo Catedralicio e outra no futuro Museo das Peregrinacións. Precisamente se presentou onte a maqueta desta nova instalación, actualmente en obras. Para rematar, tamén se anunciou que os fondos do 1% cultural do Ministerio de Fomento cubrirán a restauración da Casa do Cabido, edificio histórico situado na Praza de Praterías.