Pacheco, Ksado, o Pintos, Ramón Caamaño ou Pedro Rey. Son algúns dos fotógrafos que, tanto no rural como nas cidades, retrataron aos cidadáns coas súas cámaras. O seu, foi a segunda metade do século XX, antes da popularización da fotografía que os relegou ao esmorecemento. Agora, unha exposición comisariada polos fotógrafos e estudosos deste xénero como Manuel Sendón e Xosé Luís Suárez Canal analiza as poses, miradas, o papel do fotógrafo como director de escena. A mostra Pano de fondo pode verse no Centro Cultural Caixanova ata o vindeiro 23 de maio.
