37 fotógrafos estranxeiros ofrecen a súa visión persoal de Galicia

¿Como nos ven desde fóra? As respostas a este interrogante poden verse en “Miradas alleas”. A exposición, comisariada por Manuel Vilariño (Premio Nacional de Fotografía 2007), agrupa a 37 autores foráneos que teñen fotografado Galicia desde o século XIX. A mostra comeza coas instantáneas de Thurston Thompson, de 1865, e rematan coas mostras de Bernand Plossu. A mostra, que se inaugurou onte na Igrexa da Universidade de Santiago, recolle os cambios vividos por Galicia nos últimos 150 anos.