O instituto Cervantes de París acolle, ata o vindeiro nove de xaneiro a exposición Onde as ausencias abren as súas ás, que recolle trece traballos do fotógrafo galego Manuel Vilariño. As obras, que amosan o interese do artista pola paisaxe, a morte e o sagrado, están recollidas nun catálogo en tres linguas que o Cervantes publicou para a ocasión. Vilariño foi galardoado co Premio Nacional de Fotografía do Ministerio de Cultura en 2007.
