As mulleres rurais venderán os seus produtos artesanais na rede e nos paradores

Xabóns artesanais, cerámica, cestería, artigos en coiro, xogos didácticos… son algúns dos produtos que elaboran numerosas mulleres do rural galego no marco das súas asociacións. Agora, os seus produtos pódense vender a través da rede (no portal de comercialización www.artemur.org) e en calquera dos Paradores que hai en Galicia. A cadena hostaleira chegou a un acordo con FADEMUR, federación de asocaicións de mulleres rurais, para que estes produtos elaborados por 14 artesás se expoñan e vendan nos diferentes paradores que hai en Galicia.