Ilustración: Fernando Aznar para Paradores.
Trala musealización do mosteiro de Santo Estevo de Ribas de Sil, Paradores continúa co seu proxecto de explicar e musealizar moitos dos fastuosos recintos históricos que administra como hoteis. Agora é a quenda do Hostal dos Reis Católicos, en Compostela. 79 soportes informativos que achegan información sobre a fundación, a arquitectura do edificio, a súa relación coa cidade ou os diferentes usos sanitarios e sociais que tivo ao longo da Historia, ademáis de anécdotas da súa edificación ou vida cotiá. Paradores distribúe un documento con algúns exemplos dos paneis informativos que amosa a riqueza histórica do edificio.
