Un catálogo, un stand e conferencias compoñen a presenza galega en Boloña

Hoxe comeza en Boloña a feira europea máis importante do libro infantil. Un encontro ao que asistirá unha representación de empresas galegas amparadas baixo a consellaría de Cultura que, alén de dar a coñecer as novidades deste sector, servirá para presentar o Congreso do IBBY que se desenvolverá en Santiago en setembro. En total, asisitirán a este encontro 17 editoriais galegas que darán conta do “bo momento”, segundo a nota de prensa remitida pola consellaría de Cultura, que vive a literatura infantil “non só no noso territorio senón máis alá das nosas fronteiras”. A presenza galega, alén do stand contará coa participación dos escritores galegos e encontros sectoriais dos editores asistentes.