A retirada do andamio do Pórtico da Gloria comezará en xullo

O Arcebispado de Santiago, o Cabido da Catedral e mais a Fundación Barrié confirmaron esta mañá que retirarán o andamio que cobre o Pórtico da Gloria. Segundo explicaron as entidades nun comunicado conxunto, en xullo comezará o proceso de retirada de varios tramos desta estrutura para deixar ao descuberto o máis posible da parte central do monumento. Segundo o Comité Científico del Programa Catedral, a medida permitirá completar a recollida de datos sobre o estado do Pórtico, necesaria para as previstas accións de restauración.