Comeza a novena edición do ALT en Vigo

Por noveno ano consecutivo, chega a Vigo a programación de Alt, o festival centrado na escena alternativa. A compañía Etxea inaugura a cita co espectáculo Exstrada, que se poderá ver no Campus da Universidade de Vigo esta mesma tarde, e que repetirá por diferentes rúas da cidade. Logo deles, o programa achega un total de doce espectáculos ata o vindeiro sábado 20 de marzo ao MARCO e mais a Casa das Artes da Cidade Olívica. Montse Penela, Histrión ou Carolina Fernández son algúns dos artistas que participan nesta iniciativa.