A celebración do Día da Muller Traballadora ocupa hoxe boa parte da actualidade informativa. Desde culturagalega.org querémonos sumar á xornada achegando o especial que lle dedica o Álbum de mulleres. Artigos para analizar a orixe e a evolución histórica desta data, tanto a nivel internacional como en Galicia, cronoloxías, textos sobre o camiño do feminismo no noso país ou sobre a situación laboral da muller permiten coñecer mellor esta festa reivindicativa.
