Suspendidas manifestacións do Día da Muller Traballadora por coincidir na xornada de reflexión

Despois de case un século celebrando o Día Internacional da Muller Traballadora, as delegacións do goberno acordaron non autorizar as manifestacións propias desta data por coincidir coa xornada de reflexión das Eleccións Xerais. En todo caso, diferentes colectivos feministas civís anunciaron a súa intención de manter o programa de actividades previstos para esa data. O que se manteñen son as diferentes iniciativas (ciclos de cine, entrega de premios e presentación de resultados sobre a participación da muller en diferentes ámbitos) que estaban previstos ao longo da semana con motivo da efeméride.