O Parque do Pasatempo de Betanzos continúa aos poucos a recibir investimentos para a súa mellora e recuperación. O Concello anunciaba onte que achegará 600.000 euros destinados a intervencións tanto no que se conserva do parque orixinal como no máis recente, situado ao seu carón. No conxunto histórico, declarado Ben de Interese Cultural, as obras mellorarán o acceso, eliminarán barreiras e recuperarán elementos arquitectónicos do conxunto. Ademais, instalarase unha serie de paneis informativos e organizaranse rutas para as visitas. O proxecto fai parte dun Plan de Recuperación Ingragal polo que xa se desenvolveron diferentes actuacións no contorno.
