Un programa de actividades potenciará os portos vencellados ao Xacobeo

Quince portos de todo o país acollerán ao longo deste 2010 actividades culturais vencelladas coa celebración do Ano Santo. A Consellaría de Cultura, Portos de Galicia e mais a Sociedade de Xestión do Xacobeo presentaban esta mañá o programa Portos Xacobeos. O proxecto pretende salientar o vencello dos portos con varias das rutas de peregrinación cara a Compostela. Para isto, desenvolveranse conferencias sobre os camiños, concertos de música clásica e mais de pop/rock. O vapor Hidria II acollerá boa parte destas actividades itinerando entre as diferentes localidades costeiras. Ademais, as instalacións portuarias serán identificadas cun monolito e con cartelaría específica.