Se á celebración do Ano Santo lle sumamos á do Libro, o resultado é Camiños de amor e lúa. Un proxecto organizado polo Xacobeo 2010 e que consiste nunha serie de eventos de animación á lectura, nos que se mesturan música e poesía. Este singular camiño de concertos terá lugar en 30 concellos e desenvolveranse en seis semanas. A idea inicial do Xacobeo é comezar nos municipios máis afastados de Compostela para rematar nesta cidade o 2 de xullo cun espectáculo no cemiterio do Parque de Bonaval.
