O CGAC ábrese á música e ao cinema na súa programación

Elaborada en menos de dous meses e cun importante acento nos fondos propios e na colaboración con outras institucións públicas, Miguel Von Hafe presentou esta mañá a programación do centro que dirixe para este ano 2010. Entre as mostras previstas para este ano destaca a da fotógrafa Cristina García Rodero (en colaboración co Xacobeo), unha gran exposición sobre a influencia na arte da cultura negra producida en ambos lados do Atlántico (Afro-Modern, journeys through the black atlantic) e o proxecto comisariado polo arquitecto Pedro de Llano sobre Bas Jan Ader. Cobra inusual protagonismo na programación do CGAC a música, con varias obradoiros e concertos que farán un percorrido pola creación contemporánea galega e que fará acenos ás exposicións temporais. Ademais, o cinema ocupa un peso importante cunha homenaxe a Chano Piñeiro, ciclos de cine e á revisión da creación contemporánea a través de documentais.