Trinta e catro espectáculos compiten nos premios María Casares

Son os premios do teatro galego, os que recoñecen os mellores espectáculos, actuacións e propostas escénicas realizadas no 2009. A edición numero 14 xa está en marcha coa apertura do prazo de votacións. En total, 34 espectáculos e 379 profesionais compiten nun certame que convoca anualmente a Asociación de Actores e Actrices de Galicia. A principios de marzo coñeceranse os finalistas a uns premios que se entregarán o 24 de marzo no Teatro Rosalía de Castro na Coruña.