De anexo do museo, a anexo da rúa

Nunha das veces que Jose Dávila visitou Vigo quedou sorprendido pola falta de continuidade no urbanismo da cidade. E iso mesmo foi o que quixo trasladar á súa proposta do Espazo Anexo no que simula unha planta dun edificio invisible. Por iso, todos aqueles que queiran achegarse realmente á sua proposta (Espazo Continuo, ata o 2 de maio) han de pasear por entre as columnas e os falsos muros que están a medio camiño entre o edificio e a rúa. Unha combinación entre o movimento e as formas estáticas que reflexiona sobre o lugar, o espazo e a súa arquitectura. Con esta exposición o MARCO pecha a serie Meetings points/Puntos de encontro que obrigou a cinco artistas a repensar a cidade de Vigo.