Unha iniciativa lexislativa popular para garantir os dereitos lingüÃsticos dos cidadáns. Esta é a proposta que achegaba esta mañá a plataforma Queremos Galego ao Parlamento de Galicia. No prazo dun mes comezará a recollida de sinaturas a prol desta proposta. De se reunir 15.000 compromisos neste sentido, a cámara deberá debatir se aproba a iniciativa. Entre outras medidas, o texto insta ao executivo a cumprir o mandato de promoción do galego recollido na Lei de Normalización, o Plan Xeral de Normalización e mais a Carta Europea das Linguas. Entre outros puntos, o texto trata cuestións como a lingua das administracións públicas, a capacitación do persoal das mesmas, o galego no sistema educativo ou medidas de promoción en colectivos coma o profesorado ou a administración de xustiza.
