O Salón Erótico de Galicia chega á súa segunda edición

Expocoruña acollerá entre o 5 e o 7 de marzo a segunda edición de Eros Galicia, único salón erótico que se celebra no noso país. Actores e actrices da industria pornográfica, postos de venda de filmes e complementos, obradoiros e debates sobre sexualidade son algúns dos contidos que se inclúen no evento. Ademais, haberá un acto de homenaxe á revista Galicia erótica con ocasión dos seus 125 números e unha exposición erótica con obras de artistas galegos.