Eros Galicia 2009 é o nome do salón erótico que acollerá entre os días cinco e sete de xuño o recinto ExpoCoruña. O programa desta iniciativa conta coa presenza de actores e produtoras de filmes pornográficos, espectáculos en vivo e de postos de venda de todo tipo de material erótico e complementos sexuais. Entre os convidados galegos anúnciase o actor David Galant, o director Totó García e a produtora Papillón Films. Esta é a primeira iniciativa deste tipo que se desenvolve no país logo da tentativa do Salón Erótico do Atlántico, SEDA, que se celebrou en Vilagarcía en 2006 e 2007.
