Hai anos que se fala da conversión do antigo mosteiro de Oia nun complexo hostaleiro. O edificio foi comprado en 2004 por Vasco Gallega de Consignaciones co fin de darlle un novo uso. Sen embargo, o proxecto continúa paralizado e, segundo publica hoxe Faro de Vigo propietario e administración crúzanse acusacións sobre os porqués. Para o propieterio porque o concello non dotou dos servizos básicos para o contorno, mentres que o alcalde asegura que o empresario minte porque aínda non solicitou a correspondente licencia para obrar. Ademais, o rexedor municipal instou a Xunta á recuperación do patrimonio para a súa rehabilitación.
