Manuel Olveira nega que o CGAC ficara con débedas en 2009

A polémica cultural da semana continúa. O venres pasado o Conselleiro do Cultura e o director do Centro Galego de Arte Contemporánea (CGAC) informaban dunha "débeda de 400.000 euros" por adquisicións de arte realizadas polo anterior director, Manuel Olveira, a resposta deste non tardou en chegar. O sábado, Olveira "desmentiu" que ficaran débedas trala súa xestión á fronte do centro de arte -durante o anterior goberno bipartito-, xa que estas "e deberían ter sido pagadas coa partida de 600.000 euros que estaban destinados no orzamento do 2009 para a compra de obras para a colección". O ex-director do CGAC informou que na última reunión do Padroado da institución, o xerente do CGAC presentou un informe económico "no que se pode comprobar a pequena cantidade do orzamento que fora gastada nesa data".