O CGAC terá un 40 por cento menos de orzamento para o 2011

Saíra publicado en diferentes medios pero non existía confirmación oficial. Pero o director do Centro Galego de Arte Contemporánea, Miguel Von Hafe, díxoo onte no marco dunhas xornadas sobre Arte + Grandes eventos que a consellaría de Cultura recurtará a dotación do CGAC nun 40%. Neste 2010, o centro público tiña un presuposto de 3 millóns de euros (dos que 600.000 estaban destinados exclusivamente á compra de obras). Segundo avanzou hai uns meses o seu director, os recurtes afectarán directamente á compra de obras e nin en 2010 nin en 2011 o centro non adquirirá ningunha obra (agás o compromiso contractual coa fundación Arco para mercar na feira madrileña a cambio de albergar a súa colección).