Cultura destitúe a Olveira despois de iniciar o concurso público do novo director do CGAC

De maneira amistosa por ambas partes e co obxectivo de facilitar o proceso de selección do novo director. Así anunciou a Consellaría de Cultura as circunstancias nas que se produciu esta fin de semana o cesamento de Manuel Olveira á fronte do Centro Galego de Arte Contemporána. Isto implica que o CGAC estará sen director ata setembro, mes no que se agarda xa se coñeza o gañador do concurso público convocado para a súa elección. Mentres tanto, o centro manterá a programación deseñada por Manuel Olveira.