Por vez primeira, Vigo acollerá unha das instalacións artísticas da Bienal de Arte de Pontevedra. Santiago Olmo será o responsable de comisariar o evento, que na súa XXXI Edición estará centrada nos países de Centroamérica e do Caribe co título de Ut(r)opicos. Na presentación do proxecto, que se realizou o pasado sábado, explicouse tamén que a Zona Portuaria de Vilagarcía acollerá unha montaxe. Na Cidade do Lérez será o Museo de Pontevedra o que albergará o groso das mostras, cunha superficie total de 10.500 metros cadrados. A cita artellarase en exposicións coma Traxectos de ida e volta, Migracións ou Tres mulleres, tres memorias.
