A arte de centroamérica protagoniza a vindeira Bienal de Pontevedra

A edición XXXI da Bienal Internacional de Arte de Pontevedra centrarase nos creadores de Centroamérica e do Caribe. Así o aseguraba o presidente da Deputación de Pontevedra, Rafael Louzán, o pasado venres na presentación do evento. Desta volta, o programa iniciarase en xuño de 2010, un mes antes do habitual, para se integrar na programación do Xacobeo, mentres que o feche se mantén para o mes de setembro. Outra novidade é que as mostras na Cidade do Lérez concentraranse no Museo de Pontevedra e que haberá exposicións en Vigo e Vilagarcía. Diego Olmos será o responsable de comisariar esta edición.