Comeza a XXX Bienal de Arte de Pontevedra

Sen Fronteiras. Converxencias astísticas hispanomagrebís é o lema da XXX edición da Bienal de Arte de Pontevedra. Esta destacada cita do panorama artístico galego conta cun total de 29 autores, e por primeira vez acolle obras de artistas africanos. Os traballos poderán verse desde esta mesma tarde no Recinto Feiral da Cidade do Lérez e mais no novo edificio do Museo de Pontevedra, que inicia así a súa actividade. Instalacións e obras dos máis diversos formatos están a disposición do público ata o vindeiro sete de setembro.