A celebración do Xacobeo 2010 contará con 2,4 millóns de euros achegados pola Obra Social de Caixa Galicia, o dobre do que esta entidade destinara ao Xacobeo no 2004. O conselleiro de Cultura, Roberto Varela, asinaba esta mañá un convenio co presidente desta entidade, Xosé Luís Méndez, con este fin. A achega de Caixa Galicia verificarase na forma de diferentes actividades culturais, entre as que destaca o apartado expositivo. Alén das mostras xa abertas (Ruth Matilda Anderson ou Maruja Mallo), destaca as que lle dedicarán de Luis Seoane e Gonzalo Torrente Ballester. Ao tempo, a entidade financiará un estudo sobre o impacto académico do Xacobeo na Sociedade Galega e unha análise sobre as industrias culturais galegas.
