Carmen Calvo expón en SCQ a súa visión do erotismo e fetichismo

A partir de hoxe poderase ver na galería SCQ de Compostela o terceiro proxecto expositivo da artista valenciana Carmen Calvo. Concibido especialmente para o espazo da galería, a exposición amosa fotografías antigas recuperadas e transformadas pola artista, con imaxes de contido erótico e sexual, así como "unha particular e complexa representación iconográfica", xogando co concepto de fetiche e mesmo coa idea de espazo sacro.