A mostra Galicia 25. Unha cultura para un novo século visita A Coruña ata xaneiro

A grande exposición que conmemora o cuarto de século do Consello da Cultura Galega (CCG) visita A Coruña. O Palacio de Congresos e Exposicións -Palexco- acolle esta tarde a inauguración da mostra, que amosa a evolución do país en diferentes ámbitos coma a arquitectura, a arte, a industria e o deseño ou o libro mediante vinte e cinco módulos temáticos. O proxecto foi realizado polo CCG en colaboración con Caixanova e visitou xa Vigo, Pontevedra, Ferrol, Santiago de Compostela, Ourense e Lugo. Na Coruña poderá verse ata o vindeiro 31 de xaneiro.