O proxecto urbano de Ferrol aplicado durante a época da ilustración vai ser obxecto de estudo no marco das primeiras xornadas Luces e Sombras do Proxecto Ilustrado. Trátase dun encontro organizado pola Fundación Casares e que se celebra na cidade de Ferrol do martes 17 ao venres 20 e pretende analizar a influencia da Ilustración no proxecto urbano e industrial da cidade de Ferrol. Barreiro Fernández, presidente da Real Academia Galega, Alfredo Vigo Trasancos, catedrático da historia da arte e especialista en temas de arquitectura e urbanismo son algúns dos relatores deste enocntro que está recoñecido con un crédito de libre configuración para os estudantes da Universidade da Coruña.
