A Xunta presenta a súa campaña publicitaria en Google para promover o Xacobeo

O obxectivo é claro: promover o Xacobeo 2010 como destino de forma global e facelo a través da rede. Para iso, a Xunta contratou unha campaña con Google que lle permitirá ter anuncios destacados no buscador, a inclusión de enlaces patrocinados, a creación dunha canle específica no portal de vídeos Youtube. Canda estas actividades promocionais, ofrecerase ao usuario a posibilidade de facer o trazado francés do Camiño de Santiago de xeito virtual. Isto será posible grazas ao Google Streetview que ofrecerá imaxes a pé de rúa de todo o Camiño Francés. Ademais, dentro da campaña contratada, haberá miniaplicacións que poderán ser descargadas para realizar rutas, percorridos e visitas virtuais.