O arousán Ramón Nieto Otero fíxose co premio de poesía Xosé María Pérez Parallé na súa XXII Edición. A súa obra A estación única dunha illa foi seleccionada polo xurado para ser publicada na colección Espiral Maior. A entrega do galardón, organizado polo Círculo Mercantil e Industrial Unidade, de Fene, desenvolverase o vindeiro día 21 as oito da tarde, e inclúe unha actuación do grupo Son+D2. Segundo explica o autor, o libro "busca a conxunción entre a creatividade e a vida anterior e mais todo o que nos rodea".
