Marisol Gándara faise co XXV Premio de Poesía Pérez Parallé

Testamento poético, unha obra con estrutura de cartas poéticas foi o traballo gañador do XXV Premio de Poesía Xosé María Pérez Parallé. A súa autora, Marisol Gándara, recibirá unha escultura conmemorativa e 500 euros en metálico e verá a súa obra editada por Espiral Maior. O certame, convocado polo Círculo Mercantil e Industrial-Unidade de Fene en colaboración co concello, tivo como xurados a María Rosendo Priego, Dores Tembrás, e Miguel Anxo Fernán Vello. O galardón entregarase o vindeiro 17 de decembro no sede do Círculo Mercantil e Industrial.