Un debate pretende achegar as disciplinas científicas e humanísticas

¿De ciencias ou letras? Os límites tradicionais deben caer. Ou polo menos esa é a tese que defenderán Marilar Aleixandre, Xosé Miranda, Xabier Paz e Xavier Queipo, que comparten a condición de dedicarse á bioloxía e á creación literaria. Será será esta tarde, na Aula Magna da Facultade de Bioloxía e estará coordinada polo científico e promotor de iniciativas culturais nesta materia, Xurxo Mariño. O encontro titulado ¿Ciencia e Humanidades: dúas culturas en colisión?, insírese no marco de debates organizados polo Consello da Cultura Galega para conmemorar o 50 aniversario da conferencia impartida por Charles Percy Snow sobre As dúas culturas.